1. |
I was born in Gallowa
03:06
|
|||
I was born in Gallowa, I was reared in Gallowa
Weel I wrocht for Gallowa, an it’s there I’ll dee-o
But in atween the twa
Mony a gloamin, mony a daw
Mony a drink and mony a freen
Hae pairtnered me in Gallowa
Mony a steg ower mony a mile
Mony a crack an mony a smile
Mony’s the change that I hae seen
In ma time o in atween-o
|
||||
2. |
||||
O come a ye braw lasses, say whaur hae ye been?
Sae droosy an sleepy, Ah ken by yer een
On earth noo believe me, I ne’er had a freen
Like the lads that were reared amang heather
Gae awa wi yer silks, yer satins and shawls
Yer soireés an concerts an yer elegant balls
For a dance in the barn is worth ten in the hall
Wi the lads that were reared amang heather
O poets we’ve plenty tae this present day
That can sing jist as sweet as the birdies in May
There’s some o them deid, but I’m prood for tae say
They were lads that were reared amang heather
Tak the world-famous Burns, Tam Campbell, and Scott
Tannyhill, Willie Penman, may they ne’er be forgot
And Erchie McKee frae auld Kilmarnock
Fine sons that were reared amang heather
Tak a walk doon oor cities, gran buildings outside
An gaze on the grandeur we speak o wi pride
Fine ships that were built at the side o the Clyde
By the lads that were reared among heather
O England may boast o her sweet-scented rose
An Ireland is prood o the shamrock that grows
But I’m in the land where the clear water flows
An the mountains high covered wi heather
Gae awa wi yer silks, yer satins and shawls…
|
||||
3. |
The Hills o Gallowa
04:29
|
|||
Amang yon birks sae blythe an gay
I met my Julia homeward gaun
The linties chantit owre the spray
The lambies loupit on the lawn
On ilka holm the swaird wis mawn
The braes wi gowans buskit braw
An gloamin’s plaid o grey wis thrawn
Oot owre the hills o Gallowa
Wi music wild the wuidlands rang
An fragrance wing’t alang the lea
As doon we sat the flooers amang
Beside the banks o stately Dee
My Julia’s arms encircled me
An saftly slade the oors awa
Till dawnin coost a glimmerin ee
Oot owre the hills o Gallowa
It isna owen, sheep or kye
It isna gowd, it isna gear
This lifted ee wad hae, quo I
The world’s drumlie gloom tae cheer
But gie tae me my Julia dear
Ye powers wha rowe this yirthen ba
And o sae blythe thro life I’ll steer
Amang the hills o Gallowa
When gloamin dauners up the hill
An oor guidman ca’s hame the yowes
Wi her I’ll trace the mossy rill
That o’er the muir meand’rin rowes
Or tint amang the scroggie knowes
My birken pipe I’ll sweetly blaw
An sing the streams, the straths an howes
The hills an dales o Gallowa
An when auld Scotia’s heathy hills
Her rural nymphs an jovial swains
Her flowery wiles an wimplin rills
Awake nae mair my cantie strains
Where freenship dwells and freedom reigns
Where heather blooms an maircocks craw
Gae dig my grave an lay my banes
Amang the hills of Gallowa
|
||||
4. |
||||
5. |
Kathleen's
04:52
|
|||
6. |
Canadie-i-o
03:46
|
|||
It’s of a merchant’s daughter all in the prime of years
She fell in love with a sailor boy, and true she loved him dear
But how to get on board with him, this fair maid did not know
For she longed to see that lovely land of Canadie-i-o
She bargained with the sailors all for a purse of gold
With a maid’s imply they did comply to stow her in the hold
We’ll dress you up in sailor’s clothes - the captain will not know
And we’ll land you safe in that lovely land called Canadie-i-o
Now when her true love he heard of this, he flew into a rage
With him, the crew and the passengers were willing to engage
‘We’ll tie your hands and feet’ he says, ‘and overboard we’ll throw
And you’ll never see that lovely land called Canadie-i-o’
She says ‘you cruel young man, how can you treat me so?
I left my kind relations all for the love of you
I left my friends at home, and not one of them did know
And now you’re going to drown me, bound for Canadie-i-o’
But when the captain he heard o this, unto him he did say
‘It’s if you drown this fair maid, then hangit you shall be
I’ll take her intae me cabin while the stormy winds do blow
And I’ll land her safe in that lovely land called Canadie-i-o’
So after sailin the sea all round, the weather came fine and clear
The captain he fell in love wi her and married her wi cheer
Dressed up in her silks and her setins, she cuts a gallant show
No finer captain’s lady in old Canadie-i-o
Come all you loyal lovers, a lesson take by me
Never forsake your true love while he is on the sea
For if the sailors they prove false, the captain he’ll prove true
An’ ye see what is happened by the wearin o the blue
|
||||
7. |
The Braes of Galloway
04:45
|
|||
Oh lassie wilt thou gang wi me
And leave thy friens i the sooth countrie
Thy former friens and sweethearts a’
An gang wi me tae Gallowa?
Oh Gallowa braes they wave wi broom
An heather bells in bonnie bloom
There’s lordly seats an livins braw
Amang the braes o Gallowa
There’s stately wuids on mony a brae
Where burns and birds in concert play
An the waukrife echo answers a’
Amang the braes o Gallowa
The simmer shiel I’ll build for thee
Alang the bonnie banks o Dee
Half circlin roun my faither’s ha
Amang the braes o Gallowa
When Autumn waves her flowin horn
And fields o gowden grain are shorn
I’ll busk thee in fine pearlins braw
Tae join the dance in Gallowa
At e’en when darkness shrouds the sight
And lanely, langsome is the night
Wi tentie care my pipes I’ll thraw
Play “A’ the way to Gallowa
Should fickle fortune on us frown
Nae lack o gear our love should drown
Content should shield oor haudin sma
Amang the braes o Gallowa
Come, while the blossom’s on the broom
And heather bells sae bonnie bloom
Come, let us be the happiest twa
On a’ the braes o Gallowa
|
||||
8. |
Gallowa Hills
03:17
|
|||
9. |
Buchts o Knockreoch
04:39
|
|||
Weel up on the moor whaur the laverock does sing
An the peeweet does cry an sooch wi its wing
An the whaup it does hing frae the threids o the win
There ye’ll fin the buchts o Knockreoch
CHO:
The buchts o Knockreoch, the buchts o Knockreoch
Close by tae the Rhinns o the Kells
Bring memories tae me o a fine Glenkens clip
I wrocht in the buchts o Knockreoch
The hirsel was gaithered in the early morn
And all o the yowes were tae be hand shorn
‘Twas a privilege to work at Knockreoch yon day
And be pairt of that time-honoured neeborly way
Weel, Davy fae Faskey he bolted tae me
And I laid a yowe by each stool clipper’s knee
And Jimmy McWhan, he rolled fleeces sae weel
And tramped them in the bag at Knockreoch
We wrocht fae sunrise tae nicht time at nine
And 40 score yowes o their fleeces were dune
And weary were a’ that slipped doon the brae
That wrocht yon day lang at Knockreoch
Yin day I’ll return tae yon buchts yinst again
Whaur noo a’ the shearin is din by machine
Nae mair jolly neebors gien a helpin hand
It’s a gey lonely day at Knockreoch
|
||||
10. |
Lord Ronald
04:35
|
|||
Where hae ye been a’ day, Lord Ronald my son
Where hae ye been a’ day, my handsome young one
I’ve been in the wood hunting mither, mak my bed soon
For I’m weary weary hunting and fain wad lie doon
O where did you dine there, Lord Ronald my son
O where did you dine there, my handsome young one
I dined wi my sweetheart mither, mak my bed soon
For I’m weary weary hunting and fain wad lie doon
What got you to dine on, Lord Ronald my son
What got you to dine on, my handsome young one
I got eels boiled in water that in heather doth run
And I’m weary weary hunting and fain wad lie doon
What did she wi the broo o them, Lord Ronald my son
What did she wi the broo o them, my handsome young one
She gave it to my hounds for to live upon
And I’m weary weary hunting and fain wad lie doon
O where are your hounds now, Lord Ronald my son
O where are your hounds now, my handsome young one
They are a’ swelled and bursted, and sae will I soon
For I’m weary weary hunting and fain wad lie doon
What will you leave your father, Lord Ronald my son
What will you leave your father, my handsome young one
I’ll leave him my lands for to live upon
And I’m weary weary hunting and fain wad lie doon
What will you leave your brother, Lord Ronald my son
What will you leave your brother, my handsome young one
I’ll leave him my gallant steed for to ride upon
And I’m weary weary hunting and fain wad lie doon
What will you leave your sister, Lord Ronald my son
What will you leave your sister, my handsome young one
I’ll leave her my gold watch for to look upon
And I’m weary weary hunting and fain wad lie doon
What will you leave your mother, Lord Ronald my son
What will you leave your mother, my handsome young one
I’ll leave you my bible for to read upon
And I’m weary weary hunting and fain wad lie doon
What will you leave your sweetheart, Lord Ronald my son
What will you leave your sweetheart, my handsome young one
I’ll leave her the gallows-tree for to hang on
It was her that poisoned me, and sae he fell doon
|
||||
11. |
Seasons
01:42
|
|||
Skeich wes the hert i the spring o the year
whan the well-sawn yird begoud tae steer
an the plewlan’s promise gledened the ee
atween Balgerran an Balmaghie.
The lang het simmer cam an rowed
the haill Glenkens in a glent o gowd
an the gangan fit on the hill gaed free
atween Balgerran an Balmaghie.
Hairst an the cornriggs flisked i the wun
like a rinnan sea i the southan sun;
then ilka meeda peyed its fee
atween Balgerran an Balmaghie.
Nou the lang year’s dune, an the druim grows stey
an the snaa liggs caal ower Cairnsmore wey;
the crannreuch’s lyart on ilka tree
atween Balgerran an Balmaghie.
|
||||
12. |
Toon o Dalry
04:57
|
|||
Some sangs hae been sung boot oor valleys an mountains
An ithers hae praised up oor women an men
But noo we will sing o years lang since gaen
O a lovely wee toon near the banks o the Ken
Wi its nice cheery folk an its weel keepit hooses
Its flooerbeds an roses they aye catch yer ee
An when ye see that nice tidy fountain
You’ll ken you’ve arrived in the toon o Dalry
Lang syne there were cairters, dykers an masons
Wi cobblers, blacksmiths, rabbit trappers an a’
Tailors an plumbers, motor hirers an joiners
Bakers an butchers an ministers twa
There was slaters an painters an haulage contractors
Three grocers, three pubs an a doctor forby
Postmen an roadmen, taxi drivers an buses
A busy wee place was the toon o Dalry
At Newfield the show was aye held in the summer
The day was a Friday, the first week in July
Wi livestock and poultry, dogs, cats and rabbits
A’ washed an brushed up for the judge’s keen eye
There was rinnin an jumpin, sheep clippin an fitba
A brass band in the fiel’ if the day it was dry
The pipers they played an marched doon the toon
Drawing the crowd tae the show at Dalry
A travellin circus whiles cam tae the Kirklan
A’ kinds o animals they aye used tae bring
Wi elephants, tigers, bears, leopards an lions
An wee piebald ponies rinnin roon in a ring
There was shootin wi rifles, roll the penny an hoopla
A man on a bike on a wire up sae high
There was snakes an pythons, chairoplanes, swingboats
The night the circus cam roon tae Dalry
Tam Crozier’s choir aye held a guid concert
His brithers frae Kirkcowan wi their famous string band
An their guest for the night were the very best singers
That was tae be foun in the hale o the land
JM Hamilton sang ‘Be kind tae auld Granny’
Robert Wilson sang o the seas that’s gaen dry
It’s been said his very first time on the platform
Was the night that he sang in the hall at Dalry
Some auld worthies noo ye canna forget them
Johnnie Walker, Auld Findlay and big Jock McKee
Caird, Crobbie an Lankie, Lappie, Preistly an Nally
An Jumpin Johnnie wha had only ae ee
There was General Johnstone wae his wee trap an pony
An Cull Wull wi the beard that aye catched the eye
Osy, Fergie an Chick, Cout, Dougan an Boatie
Happy days they a’ spent in the toon o Dalry
|
||||
13. |
Polka Mazurka
03:11
|
|||
Slide a foot man
Gae roon aboot man
Gie a hoch man
An' then a hooch man
|
||||
14. |
Jo Miller Stirling, UK
Jo Miller is a singer and fiddler based in Stirling. She enjoys making music in intimate environments like homes and small halls. Jo has also had a long career in music education and as an academic researcher. This is her first album, celebrating the music of her home area of SW Scotland. Jo is accompanied by Amy Geddes, Robyn Stapleton, Neil Sutcliffe & Steve Sutcliffe. ... more
Streaming and Download help
If you like Jo Miller, you may also like:
Bandcamp Daily your guide to the world of Bandcamp